Karbi Anglong along kachethang klong alunsepi Pokhila Lekthepi ta enut lo alangli enut lun kelun ate’ot kejume pen ase kepangduk pen danglok Karbi lun barim penang an alun lun ponlo.lasonsi alangli Pokhila Lekthepi pen kelun pon alunjir O’Nangke; pu alunjir puthot Plabita Bordoloi Saikia pen lun ponthusi paipai niphai 21 arni Diphu Kalakendra asaihem along bangso alunjir kangpu ajaimek deng pon.
Bangso alunjir kangpu ajaimek along Pherangke klem bangphu Sonju Borah pen mei chepa hemphu ponsi Karbi Cultural Society ameiphu Humsing Bey alohi aman pen kachetongdun. O’Nangke pu alunjir ketok lapen kelun abangphi Sangpi Pokhila Lekthepi pen pherangke athengno kaningje ponke pini neli ketok lapen kelun alunjir O’Nangke pu alunjir puthot Sangpi Plabita Bordoloi Saikia aphan ning aklong pen kachoro pajirpon ponlo athe ke neli kelun tang alunjir puthot Plabita Bordoloi Saikia pen nang kelun pipon pen Karbi Anglong arat aphan keparju ponthu thek apot alangli labangso alunjir lunke aphrang penta neli phan nang chetong pen nang chingki nang chethan mate hokum nang hang pame lapen alamthe pen danglok ate’ot sitame thangnat kelarpon ave bonta ajehak amonit atum neliphan thangnat nang arju jepin pen neli lun kelundet abangke ningduk lo pusi lamthe chepaklang pon. Halapu Pablita Bordoloi Saikia pen kaningje ponke neli alangli lun kelun pon non pen jirni an kechoklo kechengsi kelun lake ”Dampo ne Bangso apirthe; pu alunjir si lun ponlo lapen non puthot pini kangpu pon alunjir lake O’Nangke pu alunjir si lunlo.lasi neli lun kelun neli ning kehangpil ahok non kevangji arni sitame puthot kelunji aphan si chesik lo.anparta labangso alunjir karju ji Ninghang pulote Plabita Bordoloi Saikia Pu Youtube channel along thek pon longji lapen kelang vekji aphan si Plabita Bordoloi Saikia ahin pen choningri pon.
News Report KAL
