Kedamtang niphai 19 arni, Dima Hasao arongsopi DC asaihem athengno along United Women Forum of Karbi Anglong atum patirpisi Kt. Bina Engtipi aphan apran karmut atum aphan sodak akangsai pi nangji pura er-set prung set kachesong.
Dima Hasao District, Umrongso-Longku Rongkhelan amekar karlitang Bina Ingtipi arta ningkan 48 inut a Karbipi aphan Paipai achiklo niphai 13 arni Larsen & Toubro Limited mate thihek pen (L&T) Company along Civil Engineering ARYAN CHOUDHURY, (MADHYA PRADESH, JABAL PUR ASOR, ABDUL MANNAN Lower Assam, BARPETA DISTRICT ASOR, RAVINDRA RANA CHETRY Nepal adet amonit, SATYA ACHRYA CIVIL SUPERVISOR lapen avarsai kipidun inut Karbi amonit STEPHAN HANSE, la bangpho atum henlo karlitang Bina Ingtipi aphan Gang Rape det aphi apran karmut vek atumlo pu pen Umrongso Out Post Police atum kiri tarlip pen pangtheksi nep ingnang laplo,
Bonta lapuson nep ingnang chek amat Jail beng lap chot akangsai anvet chot abangke chokche pura United Women Forum of Karbi Anglong kachepatirpi lapen Dima Hasao Umrangso Rongkhelan arat atum thurpak cherap cheto dunsi ning kipung lapen ning kangsamse angthek chepaklangsi Dima Hasao District ahempi Haflong rongsopi D.C asaihem along an armu chejeng pen paledamsi karlitang Bina Ingtipi aphan cholangrem det aphi apran karmut det bangpho kachomatha kechok che Ot langno atum aphan Under Section BNS 376 lapen BNS Section 302 aron ateng pen sodak pen ingsai ra kokthat pivek nangji mate “Capital punishment, atheke “Death Penalty” pivek nangji pura Dima Hasao rongpi along kachesong ase angtong par om plup anpin.
Halapu United Women Forum of Karbi Anglong jabangphi atum japonlinsi kt.Bina ingtipi aphan apran karmut vet bangpho abangphu atum aphan ingsaivek nangji pura Dima Hasao District commissioner arideng Dima Hasao CEM aphan panongsi epak pinpur aloh tame pajir tekang.
News Report KAL
