Bangso kepathu Jaipong Sports Association pathu aklam along si paipai achiklo niphai 24 arni arnikangsam porphai 4 pen chengpon. Ok pran kemesen nangji anparta Kepathu kethek pen kaprek kaprek avarsai kelong dunji nangji pura Jaipong Sports Association Maiphu Kangbura Terang lapente Chunbang Bikrom Timung atum jalin ponsi Jaipong ahavar along tame patumi arni kangsam Football kepathu Mate inter club league chengponlo.
Bangso kepathu along alohi sarpo amaan peng pen KAAC EM mate local EM Bili Mohan Khakhlary , Rijendra Basumatary,Jaipong Lamps Chairman Hemari Teron,SGB Buddho Phangcho,KCS Langhin havar amei chunbang Dhoniram Rongpi, loh thanbang Rensing Tokbi anparta keongdung maan peng kedo abangphu bangphi atum chetong dun si kepathu atum aphan aning rung dun.
Bangso 9th inter club league kepathu kepado pon lake Barim Jaipong Sports Association maiphu Kt. Longsing Hanse amen pensi bi ponlo.Bangso along kepathu chengche aprang malom so apor enponsi chekimo asai sitame dengpon . Angdung keti arni kepathu pon lake Jaipong Academy Lapente Ganeshthan Aterank atumsi pathuponlo.Bangso kepathu bom apor ahud hin hin sitame kethek kachingbar chit ajok Ganeshthan Fc atum goal epum lapen Jaipong academy atum goal epum chethap si puthot tie breaker pathu nangkok lo,Tie breaker kepathu pon ahud Ganeshthan fc atum 2 goals pen chepahai pon.
Langhin pen Sarpangri Engti Kathar
