Ingdeng 33th Havar Karbi Riso Nimso Rong Aje mate ZKYF,2025 Arnam Langpi Havar Amei pen Havar Karbi Riso Nimso Rong Aje katalonji kachisik kachedang bom apor ahut ansose jakong horang kipidunji aphan pura Deopani Youth Forum(DYF) pen Jakong chepherangsi arpu Kimi ta chepek pon.
Lasonsi, Paipai acheklo niphai 24/08/2025 Bhomkuru arni adap porphai 11:30AM apor pen Lakha.24 Deopani Constituency ahavar Karbi Jutang Asong Arnam Langpi Havar Amei asaihem along ansose Deopani Youth Forum(DYF) Jakong Horang kache pherangji aphan mei ingni ponsi arpu Kimi kachelar amei DYF Meiphu barim Klengsarpo Tisso pen mei chari ponsi Jakong kache pherang lapen arpu Kimi kachepek amei ingni ponlo.
Akimi a Meiphu Rajesh Teron, Chunbang Lison Terang lapen Kadokave bang kep atum aphan arpu Kimi chepek pon lo. Mei along alohi aman pen KCS Arnam Langpi Havar Amei ameiphu Semson Engti, DYF bidisar Ramsing Terang lapen Rong Asar atum chetong dunsi mesen pen DYF Jakong kache pherang lapen arpu Kimi kachepek Amei mesen pen pachun pon lo.
Diphu pen Govind Tisso KAL.
