Longleh henlo echethe longleh henlo ehpran longleh phelang jongsi kivir lote karbi anglong lapen karbi akheita kivirlo, bangso alam athepi enponsi.Paipai niphai ingkoira hini arni non malom keche kebe aso atum kahuri ehsai
Leased patta pu alamki aphuthak karbi hamphang asong atum phuloni revenue circle along ARO ASO lapen karbi anglong autonomous council land & revenue department kelangchari Secretary Si im Taro aphan chetong damsi memorendum aloh kepajirdam.
Lease patta, parmenent patta, pu kachehangjo bonta late lam kethe kepathe nangji kali, Council alamtoi lapen Sixth Shedule aron atengpen komat atumsi longleh patta longjima ingsir ingchap pame pensi keche kebe aphan longleh patta pi nangji hala abangsi lam kethe,
Madu political leaders atumta inghoi ajoine Electoral politics kepathe pura longleh pen chelar nangne, longle pen vote kachelar lake nangso a-ok kachecho atenglo.
Amutpi alam abangke 1951 pen aphrang pen karbi anglong along kedotang atum aphanke madu akhei aphanta longleh patta kipi nangji aron do pusi KAAC CEM Tuliram Ronghang nongjelo bonta 1951 aphi kevang kebe keche aso atum along jongsi longle patta dokok pulote ingthan etji puta paklardak nangji puta hamphang asongja atum ningje rinti
Bangso memorendum kepajirdam ahut Litsong Rongphar, KSYC, ASDC(S), KATSSA, KYDA, lapen ITPKA asongja atum chetongdun.
News report KAL
