Karbi Anglong Autonomous Council atum Kedamtang jakhong niphai 16 arni Arboretum cum craft centre, Diphu along Ingdeng 13 Executive Committee Meeting kepado pon ahut EC Resolution No. 2pen 20 along Kacheparai pon APDCL atum aphan Binhum along Longle kepekji pu aputhak Binhum ahavar arat atum Kachedon dun thekthe alamthe kachepaklang pon.
Paipai niphai 20 arni Binhum Lochinlangso keparlo Rong kre-isi arat atum chingrumsi APDCL Aphan Longle pek thekthe pura kachingki chethan amai kepado pon.
Bangso ahut alanglitum ahin pen kachethan pon lake Karbi Anglong Autonomous Council Department of Revenue, KAAC Secretariat Diphu pen kepaklang pon Order aloh along kejong pon APDCL atum aphan Phuloni Mouza angkang langsomepi Development Block, Phuloni Revenue Circle keparlo Bihum Lochinlangso along 1500 MW Pump Storage Project kepaselamji aphan pura Longle kepiji aphan KAAC pen NOC kepiji pu aputhak Binhum,Lochinlangso ahavar Arat atum Mentune ta chedon dunthekthe pusi Ningduk pen kachedon dun thekthe alamthe kachepaklang pon.
Bangso apor ahut KSYC Hamphang asong atum sitame adim along pale dunsi Hadak arat atum along karjap dunthip ji aphan KSYC amaiphu Minarson Rongpi, Kongchunbang Edison Tokbi atum pen danglok penang an KSYC asongja atum pale dam.
Binhum Lochinlangso Rong kre-is arat kachingrum pen lamthe kachepaklang ponke APDCL aphan KAAC Pen Longle kepekji pu along mentune ta chedon dunthekthe pusi chethanpon
Lapen Jongsi Patoite pen Bangso APDCL 1500 MW Pump Storage Project nang semlam ji pulote kachesong asai sitame dengpon nangkokpo puta lamthe chepaklang pon.
Dokmoka pen Semsing Engti Karbi Anglong Live
