Angtan adet pen kevang kanghu atum aronrepen karbi alongleh phelang nangka cheraithip adim do-an pajok nangji pu song dhorom party alam chipu pepin pen non malom karbi anglong along prekjam hamphang asong atum kachesong ase angtong paromphlup asonsi theklong
VOICOVER
Penang arni aphrang pen Litsong Rongphar KATSSA lapen KSYC KSA atumta longle phelang aphuthak chesongsi Hawraghat uttar borbil pen chenglok along kaprek kaprek adim kachesong ase angtong chibi ponlo,
Lasonthotsi patumi paipai niphai ingkoira pho arni lethotta inglongpho karbi loh charli asong pen patirpi ponsi west karbi anglong dongka revenue circle lapen phuloni revenue circle along keche kebe aso atum aphan longleh potta pilongle pu KSA klembang atum erset prungset kachesong asai kedengpon theklong,
Lapusonthotsi pini paipai niphai ingkoira throk arni lethotta diphu matipung kedam atovar arboretum cum craft centre athengno
Kachephritang KLNLF asongja P. Dilli mate Prodip Terang alongle along Lt. MD Samual Haque achor Safura Begum pu abang ningkan kep aphrang, kecheng akoke bhara amen pensi dolo bonta aphike alongle amatsi kacheraipidetji aphan bor ehsi aphong aphong kacheterekji aphan hukum pisita damdedetlo mate cheterek redtlo.
Bangso aphuthak forum for hills autonomous state movement lapen karbi national youth council klembang atum chepengsi nithom aphrang bangso Safura Begum aphan chetong damsi ingsamjinpen nithom angbong bangso adim pen kacheterekji aphan kepu paso tekangdaklo,
Bonta angthin chepathesi kacheterekredet ajok saijokje song dhorom party alam chepupepinpen prekjam karbi hamphang asongja atum chingrumpetpen jakong horang chepaklangsi ketharle asai dengsi keche arideng pen P Dilli mate Prodip Terang alongle pajok ponlo.
Karju long atengke, arni ong ong ako penta bangso terang hem alongle along Safura Begum pu abang don kresirkep anbak mumchai akhei atum aphan padosi acheklo jonvang sika pharo krepho pen sika suri hini an atangka chorungbom vangbomlo pusi angkrak pen birta long, bonta pini karbi hamphang asongja atum bangso adim ketetphun phun det ajoine don kresirkep amumchai atumta peh ri chitilupsi chetereklo.
Ladakpek karphlungtang akeche aso atum aphan karbi anglong arlo nahokta chak nangne lasi kaiketa cheroktok pen do nangji puta karbi hamphang asongja atum ningje.
News report KAL
